Yerli Bazar üzrə Komitə

Yerli Bazar üzrə Komitə ölkədaxili kapital bazarının inkişaf etdirilməsi və bazar mexanizmlərinin təkmilləşdirilməsi istiqamətində fəaliyyət göstərən işçi platformadır. Komitə yerli emitentlər, investorlar və bazar infrastrukturuna dair məsələləri araşdırır, mövcud çağırışları qiymətləndirir və inkişaf üzrə təkliflər hazırlayır. Bununla yanaşı, bazar iştirakçıları arasında əməkdaşlığın gücləndirilməsinə və şəffaf ekosistemin formalaşmasına dəstək verir. Komitənin fəaliyyəti kapital bazarının dayanıqlı və rəqabətədavamlı olmasına töhfə verməyə yönəlib.

Tələt Kalayev

Sədr

Tələt Kalayev

Tələt Kalayev 2004–2008-ci illərdə və 2008–2010-cu illərdə Azərbaycan Dövlət Neft Akademiyasında müvafiq olaraq BBA və MBA proqramları üzrə təhsil almış, bakalavr və magistr dərəcələrinə yiyələnmişdir. Azərbaycan kapital bazarlarında 17 ildən artıq iş təcrübəsinə malik olan Tələt Kalayev müxtəlif illərdə “Standard Kapital”, Böyük Britaniyanın “Kazimir Partners” investisiya şirkətində (tədqiqatçı-analitik), Bakı Fond Birjasında (Ticarət və Üzvlük departamentinin rəhbəri) və “PAŞA Kapital” investisiya şirkətində (direktor müavini) fəaliyyət göstərmişdir. Hal-hazırda Tələt Kalayev “Unicapital İnvestisiya Şirkəti” ASC-də direktor vəzifəsində çalışır.