Xarici Bazar üzrə Komitə

Xarici Bazar üzrə Komitə, qlobal kapital bazarlarında baş verən tendensiyaların araşdırılması, beynəlxalq təcrübələrin öyrənilməsi və onların yerli ekosistemə inteqrasiyasının dəstəklənməsi məqsədilə fəaliyyət göstərən işçi platformadır. Komitə xarici emitentlər, investorlar və beynəlxalq bazar infrastrukturuna dair məsələləri təhlil edir, ölkəyə kapital axınını təşviq edən imkanları qiymətləndirir və inkişaf istiqamətində tövsiyələr hazırlayır. Bununla yanaşı, xarici bazar iştirakçıları ilə əməkdaşlığın gücləndirilməsinə, bilik və təcrübə mübadiləsinin genişləndirilməsinə və Azərbaycanın kapital bazarının qlobal səviyyədə rəqabət qabiliyyətinin artırılmasına dəstək verir. Komitənin fəaliyyəti ölkənin kapital bazarının beynəlxalq inteqrasiyasını və davamlı inkişafını təşviq etməyə yönəlib.

Tofiq Kərimov

Sədr

Tofiq Kərimov

Tofiq Kərimov uzun illərdir maliyyə və investisiya sahəsində yüksək peşəkarlıqla fəaliyyət göstərir. Karyerası boyunca prop-treydinq, bank işi və aktivlərin idarə edilməsi sahələrində geniş təcrübə qazanmışdır. Həm texniki, həm də fundamental təhlil üzrə möhkəm nəzəri və praktiki biliklərə malik olan Tofiq sabit gəlirli qiymətli kağızlar, səhmlər, əmtəə və valyuta bazarlarında yüksək səviyyədə təcrübəyə sahibdir.

Hal-hazırda o, CFI Financial İnvestisiya Şirkətində Maliyyə Bazarları Analitiki vəzifəsində çalışır. Eyni zamanda, maliyyə bazarları və treydinq mövzularında ixtisaslaşmış tədbirlərdə əsas məruzəçi və təlimçi kimi çıxış edir.

Tofiq Kərimov peşəkar fəaliyyətini həm yerli, həm də beynəlxalq maliyyə qurumlarında formalaşdırmış, eyni zamanda sahibkar kimi də uğurla fəaliyyət göstərir. O, bakalavr təhsilini American University in Bulgaria universitetində biznes idarəçiliyi üzrə tamamlamışdır.