Üzvlər kapital bazarlarında baş verən yenilikləri, xəbərləri və aylıq analitik təhlilləri operativ şəkildə əldə edirlər. Bu, həm bazar risklərini qiymətləndirməyə, həm də qərarvermə prosesini daha effektiv etməyə kömək edir.

AKBA tərəfindən təşkil olunan görüşlər, seminarlar, illik forumlar və networking səfərləri üzvlərə həm yerli, həm də beynəlxalq platformalarda aktiv iştirak imkanı yaradır. Bu tədbirlərdə üzvlər yeni tərəfdaşlıq imkanları tapır, bazar iştirakçıları və potensial müştərilərlə birbaşa əlaqə quraraq öz biznes şəbəkələrini genişləndirirlər.

Üzvlər üçün AKBA tərəfindən təşkil olunan təlimlərə xüsusi endirimlər tətbiq olunur. Bu təlimlər həm giriş səviyyəsində maliyyə maarifləndirilməsini, həm də daha ixtisaslaşmış mövzular üzrə peşəkar inkişafı dəstəkləmək məqsədi daşıyır.

AKBA üzvlərinə müəyyən mövzular üzrə dövlət qurumları ilə birbaşa əlaqə imkanı yaradılır. Bu kanal vasitəsilə bazar iştirakçılarının ehtiyacları, təklifləri və qarşılaşdıqları çətinliklər daha operativ şəkildə müvafiq qurumlara çatdırılır və müzakirə olunur.

Üzv şirkətlər AKBA komitələrində təmsil olunaraq bazar standartlarının formalaşdırılması, mövcud problemlərin həlli və yeni təşəbbüslərin irəli sürülməsi prosesində birbaşa iştirak edir.

Üzvlər şirkət profillərinin AKBA saytında yerləşdirilməsi, press-reliz və xəbərlərinin paylaşılması vasitəsilə daha geniş auditoriyaya çıxış əldə edirlər. Üzvdən-üzvə (M2M) xidməti bizneslərin bir-biri ilə daha effektiv əlaqə yaratmasına kömək edir. Bundan əlavə, AKBA tədbirlərində sponsorluq və spikerlik imkanları şirkətlərin brend tanıtımını gücləndirir və bazarda görünürlüğünü artırır.