Texnologiya və İnformasiya Təhlükəsizliyi üzrə Komitə kapital bazarlarında rəqəmsal həllərin inkişafı, innovativ texnologiyaların tətbiqi və informasiya təhlükəsizliyinin yüksək səviyyədə təmin olunması istiqamətində fəaliyyət göstərən işçi platforma kimi çıxış edir. Komitə bazar infrastrukturunun rəqəmsallaşdırılması, kibertəhlükəsizlik standartlarının gücləndirilməsi, məlumatların qorunması və texnoloji risklərin idarə olunması kimi sahələr üzrə məsələləri araşdırır və inkişaf yönümlü təkliflər hazırlayır. Bununla yanaşı, informasiya təhlükəsizliyinin idarə edilməsi sistemi (ISMS) üzrə tələblərin formalaşdırılması və tətbiqi məsələlərində tənzimləyici orqanla əməkdaşlığı da nəzərdə tutur, bazar iştirakçıları arasında texnoloji biliklərin artırılmasına, təhlükəsiz və dayanıqlı rəqəmsal ekosistemin formalaşdırılmasına dəstək verir.