Komplayens və Nəzarət üzrə Komitə, kapital bazarlarında tənzimləmə tələblərinə uyğunluğun gücləndirilməsi, effektiv nəzarət mexanizmlərinin təşviqi və dürüst bazar mühitinin formalaşdırılması məqsədilə fəaliyyət göstərən işçi platformadır. Komitə komplayens çərçivələrinin tətbiqi, risklərin erkən aşkar edilməsi, daxili nəzarət proseslərinin təkmilləşdirilməsi və beynəlxalq standartların inteqrasiyası üzrə məsələləri araşdırır. Bununla yanaşı, bazar iştirakçılarının etik davranış, şəffaflıq və risk idarəetməsi sahəsində bilik və praktikasının artırılmasına dəstək verir. Komitənin fəaliyyəti sağlam, etibarlı və dayanıqlı kapital bazarı ekosisteminin inkişafına töhfə verməyə yönəlib.