Hüquq və Tənzimləmə üzrə Komitə

Hüquq və Tənzimləmə üzrə Komitə, kapital bazarlarında hüquqi çərçivənin təhlili, tənzimləmə mexanizmlərinin təkmilləşdirilməsi və normativ bazanın beynəlxalq standartlara uyğunlaşdırılması istiqamətində fəaliyyət göstərən işçi platformadır. Komitə mövcud qanunvericilik, tənzimləyici tələblər və bazar iştirakçılarının hüquqi ehtiyacları üzrə məsələləri araşdırır, praktik çağırışları qiymətləndirir və inkişaf yönümlü təkliflər hazırlayır. Bununla yanaşı, bazar iştirakçıları arasında hüquqi maarifləndirmənin artırılmasına, şəffaf və etibarlı tənzimləmə mühitinin formalaşdırılmasına dəstək verir. Komitənin fəaliyyəti kapital bazarının hüquqi sabitliyinin və dayanıqlı inkişafının təmin edilməsinə yönəlib.

Orxan Səfərov

Sədr

Orxan Səfərov

2014-cü ildə Bakı Dövlət Universitetinin Hüquq fakültəsini bakalavr pilləsi üzrə bitirmişdir. Hazırda Chicago Kent College Law School-da master təhsilini davam etdirir. 2015-ci ildən maliyyə institutlarında müxtəlif vəzifələrdə çalışmışdır. 2019-cü ildən Azərbaycan Respublikası Vəkillər Kollegiyasının üzvüdür. 2024-cü ildən Paşa Kapitalda fəaliyyətdədir və hazırda Hüquq və Komplayens Departamentinin direktorudur. Müqavilələr, normativ sənədlərin ekseprtizası, korporativ hüquq sahələri üzrə beynəlxalq sertifikatların sahibi və tədbirlərin iştirakçısıdır. Onun birbaşa rəhbərliyi və iştirakı ilə bir sıra qanunvericilik aktlarına dəyişikliklər təklifləri hazırlanmış və aidiyyati instansiyalara təqdim edilmişdir.